ሃዋሬታ ኦሱዋ 11:5-11 in Gofa

⁵ «ታኒ ዮጴ ካታማን ፆሳ ዎሳሼ ቆንጬꬂ ቤዓስ። ጊታ ኣፊላ ዳኒያባይ ኦይዱ ባጋራ ኦይኬቲዲ ሳሎፔ ዎꬊሼ ታኮ ዪስ።

⁶ ታኒ ቲሺ ኦꬃ ኢያ ጊዶ ፄሊያ ዎዴ ኦይዱ ቶሆራ ዴዒያ ሜሄታ፥ ዎራ ዶዓታ፥ ኡሎራ ጎሼቲያ ሜꬌቴꬃታኔ ሳሎ ካፎታ ቤዓስ።

⁷ ‹ጴፂሮሳ፥ ዴንዳ፥ ሹካዳ ማ› ጊያ ቃላ ሲዓስ።

⁸ «ሺን ታኒ፥ ‹ጎዳው፥ ኣካይ፥ ቱናባይ ዎይኮ ጌዮናባይ ኡባካ ታ ዶናኮ ሺቂ ኤሬና› ያጋስ።

⁹ « ‹ፆሳይ ጌሺዳይሳ ኔኒ ቱና ጎፓ› ያጊያ ቃሊ ናምዓንꬆ ሳሎፔ ዪስ።

¹⁰ «ሄሲ ሄꬑ ቶሆ ሃኒን፥ ዉርሴꬃን ኡባባይ ሳሎ ፑዴ ኤኬቲስ።

¹¹ ሄ ሳቴንካ ሄꬑ ኣሳቲ ቂሳሪያፔ ታኮ ኪቴቲዲ ታኒ ዴዒያ ኬꬃ ጋኪ ኣጊዶሶና።

⁵ “Taani Yoophe kataman Xoossaa woossashe qonccethi be7as. Gita afila daaniyabay oyddu baggara oykettidi saloppe wodhdhishe taakko yis.

⁶ Taani tishshi ootha iya giddo xeelliya wode oyddu tohora de7iya meheta, wora do7ata, ulora gooshettiya medhetethatanne salo kafota be7as.

⁷ ‘Phexiroosaa, dendda, shukkada ma’ giya qaala si7as.

⁸ “Shin taani, ‘Godaw, akkay, tunabay woykko geeyonnabay ubbaka ta doonaakko shiiqi erenna’ yaagas.

⁹ “ ‘Xoossay geeshshidayssa neeni tuna gooppa’ yaagiya qaali nam77antho saloppe yis.

¹⁰ “Hessi heedzu toho hanin, wurssethan ubbabay salo pude ekettis.

¹¹ He saatenkka heedzu asati Qisaariyappe taakko kiitettidi taani de7iya keetha gakki aggidosona.