ሃዋሬታ ኦሶ 9:38-41 in Gamo

³⁸ ሊዳይ ኢዮጴስ ማታ ጊዲዳ ጊሽ ኣማኒዛይቲ ጴፅሮሲ ሊዳን ዲዛይሳ ሲይዲ ናምዑ ኣሳታ ኪቲዲ “ኤሌ ሃ ያርኪ!” ጊ ዎሲዳ።

³⁹ ጴፅሮሲካ ዴንዲዲ ኪቴቲዳ ኣሳታራ ጋኪዳ ዎዴ ኢዛ ፑዴ ሄ ፖቄ ቦላ ኬሲዳ። ኣምዔቲካ ዉሪ ኢዛ ዩዪ ኣꬊ ኤቂዲ ዶርቃይ ፓፃ ዳሼ ኢስታራ ኦꬂዳ ቃሚሴታኔ ማይዖታ ቤሲሼ ዬኪዳ።

⁴⁰ ጴፅሮሲካ ኣሳ ዉርሲ ኪፍሌዛፔ ኬሲዲ ጉልባቲ ዎሲዴስ። ኣሃኮ ሲሚዲ “ሃኔ ፃቢታ ዴንዳ!” ጊዴስ። ኢዛካ ባ ኣይፌ ዶያዳ ፄላዱስ። ጴፅሮሳካ ቤያዳ ዴንዳ ኡታዱስ።

⁴¹ ኢዚካ ኢዚ ኩሼ ኦይኪ ዴንꬂዴስ። ኣማኒዛይታኔ ኣምዔታ ፄይጊዲ ኢዞ ኢስታስ ፓꬂዲ ኢሚዴስ።

³⁸ Liiday Iyophphes mata gidida gish ammanizayti Phexroosi Liidan dizayssa siydi nam7u asata kiittidi “Elle ha yarki!” gi woossida.

³⁹ Phexroosikka dendidi kiitettida asatara gakkida wode iza pude he pooqe bolla kessida. Am7etikka wuri iza yuuyi aadhdhi eqqidi Dorqay paxa dashe istara ooththida qamisetanne may7ota bessishe yeekkida.

⁴⁰ Phexroosikka asa wursi kiflezappe kessidi gulbati woossides. Ahakko simmidi “Hanne Xaabita denda!” gides. Izakka ba ayfe doyada xeelladus. Phexroosakka beyada denda uttadus.

⁴¹ Izikka izi kushe oykki denthides. Ammanizaytanne am7eta xeygidi izo istas pathidi immides.