ሃዋሬታ ኦሶ 28:20-26 in Gamo

²⁰ ታ ቃስ ሃዒ ኢንቴና ፄይጊሲዳይ ኢንቴና ቤያናሲኔ ሃኖ ኢንቴስ ዮታናሳ። ሃይሳ ሳንሳላታን ታኒ ቃሼቲዳይ ኢስራዔሌ ናይታስ ኢሜቲዳ ኡፋይሳ ጋሶና” ጊዴስ።

²¹ ኢስቲካ ኢዛስ “ኔ ጊሽ ዩሁዳ ዴሬፔ ፃፌቲዳ ዴቢዳቤይ ኑና ጋኪቤና። ሃ ዪዳ ኣሳታፔ ኦኒካ ኔ ጊሽ ኢታ ሃሳዪዳይ ባዋ።

²² ሃይሳ ኔ ካሊዛ ኣማኖዛ ጊሽ ኣዋንካ ኣሳይ ኢታ ሃሳዪዛይሳ ኑ ኤሮስ። ሄሳ ጊሽ ኔ ቆፋይ ኣዛኮኔ ኑ ሲያና ኮዮስ” ጊ ዛሪዳ።

²³ ባሬ ኢዛስ ኢሚዲ ሃራ ጋላስ ኩሼ ኩሚዲ ኢዚ ዲዛ ኬꬄ ዪዳ። ኢዚካ ማላዶፔ ኦማርስ ጋካናስ ፆሳ ካዎቴꬃ ጊሽ ማርካቴꬃን ባ ቆፋ ኢስታስ ቆንጪሲዴስ። ሙሴ ዎጋፔኔ ናቤታ ማፃፋታፔ ፃቃሲ ፃቃሲ ዬሱሳ ጊሽ ኢስታስ ቆንጪሲ ዮቲዴስ።

²⁴ ኢስታፌ ኢሲ ኢሲ ኣሳቲ ኢዚ ዮቲዳ ቃላ ኣማኒዳ፤ ባጋይቲ ቃስ ኣማኒቤቴና።

²⁵ ኢስቲካ ባ ጊዶን ኢሶይ ኢሳራ ቆፋን ጋጎንታ ሻኬቲዳ፤ ጳዉሎሲ ዉርሴꬃን ዮቲሼ “ፂሎ ኣያናይ ናቤ ኢሳያሳ ባጋራ ካሴ ኢንቴ ኣዋታስ ዮቲዳይሲ ቱማኮ!

²⁶ ኢዚ ዮቲዳ ቃላይ፥ ‘ሃይሳ ዴራኮ ባዳ ኢንቴ ሲሲ ሲያና ሺን ዩሺ ቆፔኬታ፥ ኣይፌራ ቤያና ሺን ዎዝናን ዎꬄኬታ ጋዳ ዮታ።

²⁰ Ta qas ha7i intena xeygisiday intena beyanassinne hanno intes yootanassa. Hayssa sansalatan tani qashetiday Isra7eele naytas imettida ufaysa gaasonna” gides.

²¹ Istika izas “Ne gish Yuhuda dereppe xaafetida debiddabbey nuna gakkibeenna. Ha yida asatappe oonikka ne gish iita haasayiday baawa.

²² Hayssa ne kaalliza ammanoza gish awanka asay iita haasayizayssa nu eroos. Hessa gish ne qofay azakkonne nu siyana koyoos” gi zaarida.

²³ Bare izas immidi hara gallas kushe kumidi izi diza keeththe yida. Izikka maladoppe omars gakkanaas Xoossa Kawoteththa gish markatethan ba qofa istas qoncisides. Muse wogappenne nabeta maxaafatappe xaqasi xaqasi Yesusa gish istas qoncisi yootides.

²⁴ Istafe issi issi asati izi yootida qaala ammanida; baggayti qas ammanibetenna.

²⁵ Istika ba giddon issoy issara qofan gaggonta shaaketida; Phawuloosi wursethan yootishe “Xillo Ayanay nabe Isayaasa baggara kase inte aawatas yootidayssi tumakko!

²⁶ Izi yootida qaalay, ‘Hayssa derakko baada inte sisi siyana shin yuushi qoppeketa, ayfera beyana shin woznan wotheketa gaada yoota.