ሃዋሬታ ኦሶ 20:28-38 in Gamo

²⁸ ፂሎ ኣያናይ ኢንቴና ፆሳ ዶርሳታ ሄማናስ ሹሚዴስ፤ ሄሳ ጊሽ ኢንቴ ሁዔሲኔ ፆሳ ዶርሳታስ ናጌቲቴ፤ ጎዳይ ባ ሱꬃን ዎዚዳ ዎሳ ኬꬃዮ ናጊቴ።

²⁹ ታ ቢዳፔ ጉዬ ፆሳ ዶርሳታስ ሚቼቶንታ ኢታ ኣሳቲ ኢንቴ ጋርስ ጌላናይሳ ታ ኤራይስ።

³⁰ ሄሳꬆካ ኢሲ ኢሲ ኣሳቲ ኢንቴ ጊዶፌ ዴንዲዲ ጌላ ዮዖ ኢንቴና ታማርሲዲ ኣማኒዛ ኣሳፔ ዳሮታ ጌዴ ባኮ ዛራና።

³¹ ሄሳ ጊሽ ኢንቴና ኢሳ ኢሳ ሄꬑ ላይꬅ ቃማኔ ጋላስ ኣፉንፃ ዞሪዳይሳ ዩሺ ቆፒቴኔ ናጌቲቴ።

³² “ሃዒካ ኢንቴና ፆሳስ ሚንꬂ ኤሳናሲኔ ኣማኒዛይታ ጊዶን ኢንቴስ ላታሶ ኢማናስ ዳንዳዪዛ ኢዛ ኣꬎ ኪያቴꬃ ቃላስ ታ ሃዳራ ኢማዲስ።

³³ ታ ኦና ቢራካ ዎርቃ ዎይኮ ማይዖ ኣሞታቤኬ።

³⁴ ታ ታ ኩሼን ኦꬃ ኦꬃዳ ታስ ማዴታዳ ታናራ ዲዛዪታካ ማዲዳይሳ ኢንቴካ ኤሬታ።

³⁵ ‘ሃ ኤኪዛዴፌ ጌዴ ኢሚዛዴይ ኣንጄቲዳዴ’ ጊዛ ጎዳ ዬሱሳ ቃላ ኑ ዩሺ ቆፒዲ ኑርካ ኑ ኩሼራ ኑ ኦꬂ ዴሚዲ ሃራ ዳቡራንቻታ ጌዴ ማዳናስ ኑስ ቤሲዛይሳ ታ ኢንቴና ዳሮ ዱማ ዱማ ኦጌራ ቤሳዲስ” ጊዴስ።

³⁶ ሄሳፌ ጉዬ ጳዉሎሲ ኡባ ኣሳራ ጉልባቲዲ ዎሲዴስ።

³⁷ ኣሳይ ዉሪ ዬኪዲ ጳዉሎሳ ኢዲሚ ኦይኪዲ ዬሪዴስ።

³⁸ ሃራፔካ ኢስቲ ዳሮ ሚሼቲዳይ ኢዚ “ሃይሳፌ ጉዬን ኢንቴ ናምዓንꬆ ታና ቤዬኬታ” ጊዳ ጊሻሳ፤ ሄፔካ ኢዛ ማርካቤኮ ጋካናስ ሞይዚዳ።

²⁸ Xillo Ayanay intena Xoossa dorsata heemmanas shuumides; hessa gish inte hu7essinne Xoossa dorsatas naagetite; Goday ba suuthan wozida Woosa Keeththayo naagite.

²⁹ Ta bidappe guye Xoossa dorsatas michetonta iita asati inte gars gellanayssa ta erays.

³⁰ Hessathoka issi issi asati inte giddofe dendidi geella yo7o intena tamarsidi ammaniza asappe darota gede baako zaarana.

³¹ Hessa gish intena issa issa heedzdzu layth qammanne gallas afunxa zoridayssa yuushi qoppitenne naagetite.

³² “Ha7ikka intena Xoossas minthi essanassinne ammanizayta giddon intes laataso immanas dandayiza iza aadho kiyatetha qaalas ta hadara immadis.

³³ Ta oona birakka worqa woykko may7o ammotabekke.

³⁴ Ta ta kushen ooththa ooththada taas maaddetada tanara dizayitaka maaddidayssa inteka ereeta.

³⁵ ‘Ha ekkizadefe gede immizadey anjetidade’ giza Goda Yesusa qaala nu yuushi qoppidi nurka nu kushera nu ooththi demmidi hara daaburanchata gede maaddanas nuus bessizayssa ta intena daro dumma dumma ogera besadis” gides.

³⁶ Hessafe guye Phawuloosi ubba asara gulbatidi woossides.

³⁷ Asay wuri yeekkidi Phawuloosa idimmi oykkidi yeerides.

³⁸ Harappeka isti daro mishetiday izi “Hayssafe guyen inte nam7antho tana beyekketa” gida gishassa; heeppeka iza markabekko gakkanaas moyzida.