ሃዋሬታ ኦሶ 10:8-30 in Gamo

⁸ ኢዚ ቤዪዳይሳ ዉርሲ ኢስታስ ዮቲዲ ኢዮጴ ኪቲዴስ።

⁹ ኪቴቲዳ ኣሳቲ ዎንቴꬃ ጋላስ ጌዴ ካታማይኮ ማቲሺን ጴፅሮሲ ኡሱፑን ሳቴ ቦላ ዎሳና ፑዴ ፖቄ ቦላ ኬዚዴስ።

¹⁰ ሄሳ ዎዴ ኢዚ ጋፊዳ ጊሽ ቁማይ ቡሮ ካፂሺን ꬊስኮ ማላ ሊጲጲ ሂስቲን ኣጁታራ ሳሎይ ዶዬቲን ኢሲ ጊታ ፃፄቲዳ ማይዖ ማላይ ኦይዱ ባጋራ ኦይኬቲዲ ዱጌ ቢታን ዎꬊሺን ቤዪዴስ።

¹² ሄ ማይዖዛ ቦላ ኦይዱ ቶሆይ ዲዛ ዱማ ዱማ ዶዓቲ ቢታራ ጎሼቲዛ ሜꬌቴꬃቲኔ ሳሎ ቦላ ፒራꬊዛ ካፎቲ ዴቴስ።

¹³ ሄሳ ዎዴ “ጴፅሮሳ ዴንዳ ሃይታ ሹካዳ ማ” ጊዛ ቃላይ ኢዛስ ሲዬቲዴስ።

¹⁴ ጴፅሮሲ ቃሴ “ጎዶ ሃይሲ ሃኔና! ጌሽ ጊዶንታይሳ ዎይኮ ቱና ሚሻ ታ ሙሌራካ ማ ኤሪኬ” ጊዴስ።

¹⁵ ሄ ካሴ ቃላይ ቃሴካ ናምዓንꬆ ኢዛኮ ዪዲ “ፆሲ ጌሺዳይሳ ኔ ቱና ማላ ቆዶፓ” ጊዴስ።

¹⁶ ሄሲካ ሄꬑቶ ሺሬቲ ሺሬቲ ኢዛኮ ዪዳፔ ጉዬ ማይዖ ሚሳቲዛይሲ ሄራካ ፑዴ ሳሎ ቢዴስ።

¹⁷ ጴፅሮሲካ ባ ቤዪዳ ኣጁታዛ ቢርሼꬃ ኤራናስ ዳሮ ሜቶቲዲ ኬሂ ቆፎ ቦላ ዲሺን ቆርኖሎሲ ኪቲዳ ኣሳቲ ሲሞና ኬꬄ ኮዪሼ ዴሚዲ ፔንጌን ኤቂዳ።

¹⁸ ቃላ ꬎቁ ሂስቲዲ “ጴፅሮሳ ጌቴቲዛ ሲሞኒ ዲዛሶይ ሃይሳን ኣዋኔ?” ጊ ኦይቺዳ።

¹⁹ ጴፅሮሲ ባ ቤዪዳይሳ ኬሂ ቆፒሺን ፂሎ ኣያናይ ኢዛ “ሄኮ ሄꬑ ኣሳቲ ኔና ኮዬቴስ። ዴንዳ! ዱጌ ዎꬋዳ ኢስታ ዬዲዳይ ታና ጊዲዳ ጊሽ ሲꬌይ ባይንዳ ኢስታራ ባ” ጊዴስ።

²¹ ጴፅሮሲካ ዱጌ ዎꬊዲ “ሄኮ ኢንቴ ኮዪዛዴይ ታናኮ! ኢንቴ ዪዳይ ኣዛሴ?” ጊዴስ።

²² ኢስቲካ ኢዛስ “ኑኒ ማቶ ሃላቃ ቆርኖሎሳ ማታፔ ዪዶስ። ኢዚካ ፆሳስ ባቢዛ ፂሎ ኣሳኔ ኣይሁዳ ኣሳ ኡባ ማታን ዳሮ ቦንቼቲዳ ኣሳ። ኔካ ኢዛ ኬꬄ ባና ማላኔ ኔ ጊዛይሳ ኢዚ ሲያና ማላ ጌሻ ኪታንቻይ ኢዛስ ዮቲዴስ” ጊዳ።

²³ ጴፅሮሲካ ኣሳታ ባ ዲዛሶን ሞኪ ኤኪዲ ኣይሲዴስ። ጴፅሮሲካ ዎንቴꬃ ጋላስ ዴንዲዲ ኢስታራ ቢዴስ። ኢዮጴፌ ዪዳ ኢሲ ኢሲ ኣማኒዛ ኣሳቲ ኢዛራ ኢሲፌ ቢዳ።

²⁴ ቆርኖሎሲካ ባ ዳቦታኔ ማታ ላጌታ ባ ሶን ሺሺዲ ናጎ ቦላ ዲሺን ኢዚ ናምዓንꬆ ጋላስ ቂሳሪያ ጋኪዴስ።

²⁵ ጴፅሮሲካ ጌዴ ቆርኖሎሳ ኬꬄ ጌሊን ቆርኖሎሲ ኢዛ ሞኪ ኤኪዲ ኢዛ ቶሆ ቦላ ሆኪ ጎይኒዴስ።

²⁶ ጊዶ ኣቲን ጴፅሮሲ “ታካ ኔ ማላ ኣሳኮ! ዴንዳ” ጊዲ ዴንꬂዴስ።

²⁷ ጴፅሮሲካ ኢዛ ሃሳይሲሼ ኢዛራ ሶ ጌሊሺን ዳሮ ዴሬይ ሺቂ ኡቲዳይሳ ቤዪዴስ።

²⁸ ኢዚካ ኢስታስ “ኣይሁዳ ኣሲ ሃራ ዴሬ ኣሳራ ጋጎንታ ማላ ዎይኮ ሃራ ዴሬ ኣስ ጊዲዳይታ ማታ ሺቆንታ ማላ ኑ ዎጋይ ዲጊዛይሳ ኢንቴ ኤሬታ። ጊዶ ኣቲን ታ ኦናካ ቱና ዎይኮ ኢዚ ጌሽ ዴና ጎንታ ማላ ፆሲ ታስ ቆንጪሲዴስ።

²⁹ ሄሳ ጊሽ ታ ፄይጌቲዳ ዎዴ ሄኮ ሲꬎንታ ያዲስ። ሂስቲን ኢንቴ ታና ኣዛስ ፄይጊዳኮኔ ኤራና ኮያይስ” ጊዴስ።

³⁰ ቆርኖሎሲካ “ኦይዱ ጋላሳፌ ካሴ ሊኬ ሃኒ ዎዴ ጋላሳፌ ኡዱፉን ሳቴን ታኒ ታ ሶን ዎሲሺን ቆፖንታ ቦꬃ ማይዖ ማይዒዳ ኣሲ ዪዲ ታ ሲንꬃን ኤቂዲ

⁸ izi beyidayssa wursi istas yootidi Iyophphe kiittides.

⁹ Kiitettida asati wontetha gallas gede katamaykko matishin Phexroosi usuppun saate bolla woossana pude Pooqe bolla kezides.

¹⁰ Hessa wode izi gafida gish qumay buro kaxxishin dhisko mala liphiphi histin ajjutara saloy doyettin issi gita xaaxettida may7o malay oyddu baggara oyketidi duge biittan wodhdhishin beyides.

¹² He may7oza bolla oyddu tohoy diza dumma dumma do7ati biittara gooshettiza medhetethatinne salo bolla piradhiza kafoti deettes.

¹³ Hessa wode “Phexroosa denda hayta shukada ma” giza qaalay izas siyetides.

¹⁴ Phexroosi qasse “Godo hayssi hanenna! Geesh gidontayssa woykko tuna miisha ta mulerakka ma erikke” gides.

¹⁵ He kase qaalay qasseka nam7antho izakko yiidi “Xoossi geeshshidayssa ne tuna mala qoodoppa” gides.

¹⁶ Hessika heedzdzuto shireti shireti izakko yidappe guye may7o misatizayssi heerakka pude salo bides.

¹⁷ Phexroosikka ba beyida ajjutaza birsheththa eranas daro metotidi keehi qofo bolla dishin Qornoloosi kiittida asati Simoona keeththe koyishe demmidi pengen eqqida.

¹⁸ Qaala dhoqu histidi “Phexroosa geetettiza Simooni dizasoy hayssan awanee?” gi oychida.

¹⁹ Phexroosi ba beyidayssa keehi qoppishin Xillo Ayanay iza “Hekko heedzdzu asati nena koyeetes. Denda! Duge wodhdhada ista yeddiday tana gidida gish sidhey baynda istara ba” gides.

²¹ Phexroosikka duge wodhdhidi “Hekko inte koyizadey tanakko! Inte yiday aazasee?” gides.

²² Istika izas “Nuni mato halaqa Qornoloosa matappe yidos. Izikka Xoossas babbiza xillo asanne Ayhuda asa ubba matan daro bonchettida asa. Nekka iza keeththe baana malanne ne gizayssa izi siyana mala geeshsha kiitanchay izas yootides” gida.

²³ Phexroosikka asata ba dizason mokki ekkidi ayssides. Phexroosikka wontetha gallas dendidi istara bides. Iyophphefe yida issi issi ammaniza asati izara issife bida.

²⁴ Qornoloosikka ba dabbotanne mata laggeta ba soon shiishshidi naago bolla dishin izi nam7antho gallas Qisaariya gakkides.

²⁵ Phexroosikka gede Qornoloosa keeththe gelin Qornoloossi iza mokki ekkidi iza toho bolla hokki goynnides.

²⁶ Gido attin Phexroosi “Takka ne mala asakko! Denda” giidi denthides.

²⁷ Phexroosikka iza haasayssishe izara so gelishin daro derey shiiqi uttidayssa beyides.

²⁸ Izikka istas “Ayhuda asi hara dere asara gaaggonta mala woykko hara dere as gididayta mata shiiqonta mala nu wogay diggizayssa inte ereeta. Gido attin ta oonakka tuna woykko izi geesh deenna goonta mala Xoossi taas qoncisides.

²⁹ Hessa gish ta xeeygetida wode hekko sidhonta yadis. Histin inte tana aazas xeygidakkone erana koyays” gides.

³⁰ Qornoloosikka “Oyddu gallassafe kase likke hanni wode gallassafe uddufun saaten tani ta soon woossishin qopponta booththa may7o may7ida asi yiidi ta sinthan eqqidi