12 Basa sala bafa nala bemboo, de latatane aok esa no esa, lae, “Talobee de leo iak bae? Ndia sosoan hata ndia?”
13 Tehuu hataholi feꞌe kala haumemee sala. Ala lae, “Wee, boso mbali sala. Te hataholi la sila ala mafuk lalan seli ndia!”
14 Nai ndia, hambu Petrus no Yesus hataholi nadedenu kasanahulu esa feꞌe nala. Boe ma Petrus ana mata neu, de ana kokolak neu hataholi noꞌu kala fo lakahohombu lai ndia. Ana kokolak natingga nae, “Ina-ama, ma basa tolanoo nggalei. Ei hataholi Yahudi la, ma ei mana mai leo nai Yerusalem ia. Pasa neulalau ei ndiꞌidoo nala, fo mamanene au kokolang ia, te hambu dedeꞌa inahuuk fo au sangga afaꞌdan neu ei basa nggei.
15 Ei boso mae hataholi la ia ala mafuk, te taa hambu hataholi ana mafuk nai fafai anak. Nakalenak hatematak ia bei fo liꞌu sio!
