2 Nyo/i aha/ mo ma, ayy Tap̱a dhali pali aha/ mo. ’Cunycuri adum pem mo dhali bwam pem mo.
3 Haali/ mo/en pini iṯeli sho’k ibwambori em pem mo. Dhali aha/ yana e ya ma isiŋ gana/ e /e mo.
4 Aha/ dinaki nyaḵ c̱a’b ki ’kwani kun ta imanṯor gwonthus mo, walla aha/ dinaki ce e ki ’kwani kun ḵal mii ka bor mo.
5 Aha/ shi/a mo jin cenu e ki imanmii tonthusi e mo, dhali aha/ mina diki nyaḵ c̱a’b ki a’di jin ta thus ki thus mo.
6 Aha/ mina ’thur me’d pem mo gom aha/ dina ka p̱o/ mo, dhali ya mo e mo ma gwaṯam pini jin ’ciṯẖu/ to ’kus mo, ayy Tap̱a,
