3 Kaja a’di imidi shin ’kuwosh gi Tap̱a mo? Dhali kaja a’di imidi doshi mom piti jin ḵogu mo?
4 A’di ta a’di jin mina me’di dheleladhelel mo dhali adu jin dheleladhelel mo, a’di jin diki ’deka ḵashiram piti ’kup̱ ki gwo jin ’ce’du/ ’te/ ka ṯor mo dhali jin diki thul gwo me’da p̱o/ ka he’k e mo.
5 A’di midi bu’th mom’bor mii ’peni Tap̱a mo, dhali mo gi yeyunum piti ’peni Arumgimis gi bway gi mowoṯẖ piti mo.
6 Me’d uni ma nyaḵum yil gwansan kun simmki a’di e mo, uni gun simmki jis/e ma Arumgimis ma Yakuub e mo. Doshi ma dhali ’cunycuri yan mo.
7 ’Deki ’kup̱ bum ki mis mo ma, ayy aris ’twaŋkala goŋ mo, dhali um minu ’de’k mo, ayy arisa campur kun tana dhamo/ mo, jin min ma Maliḵ gi monyca yayu/ bway bwaman mo.
8 Kaja a’di ita’da Maliḵ gi monyca mo? Tap̱a a’di jin ta gi mom’bi’th mo dhali mo ma dem dem mo. Tap̱a a’di jin ta gi mo ma dem dem e mo ma mee mo.
9 ’Deki ’kup̱ bum ki mis mo ma, ayy aris ’twaŋkala goŋ mo dhali um minu ’de’k mo, ayy arisa campur kun tana dhamo/ mo, jin min ma Maliḵ gi monyca yayu/ bway bwaman mo.
10 Kaja a’di yansan ita’da Maliḵ gi monyca mo? Tap̱a gi momis mo, a’di ita’da Maliḵ gi monyca mo be. Doshi ma dhali ’cunycuri yan mo.