9 Hili /e ta a’di jin bu’thki aha/ ’peni bwa ma dho’th ma ta’da mo. Dhali /e karki aha/ ki ’dantar mo abora ko ma ta’dam pem mo.
10 Apo/ /e mo tani aha/ biṯkunu ’peni mondho’th pem mo, dhali me’d jin ḵal ma ta’dam pem aha/ e bwa mo tani /e tana Arumgimis pem mo be.
11 Dhalku/ ki si’d ’peni aha/ kan mo ma, haali/ monṯo’c bwa uni ’disha’dish mo dhali wathiŋ kamu/ p̱iyi’d mmowoṯẖa woṯẖ mo be.
12 Aris gwaṯẖim bip̱ uni ’kamki aha/ mo, gwaṯẖim bip̱ gun ’bitha’bi’th ’peni Pam Bashan mo tani uni ’kamki aha/ mo.
13 Uni c̱eeki aha/ ’twam buni i is mo mmowa e ka dhop̱ kun pithilki to ki she/ mo dhali ko mo.
