10 Aris miin tom pini mini c̱i /e bwa jin ’boruwa ’bori is mo, ayy Tap̱a, dhali aris unim pini kun dhunu ki she/ ki dhelel dhelel mo tani uni mini ’bor /e mii mo.
11 Uni mini o gwo gom monyca gi bampam pini mo, dhali uni mini ṯor gwo gom mom’bi’th pini mo,
12 mmoṯor eya tente/ e iya/ gi ’kwani mo miin to ma dem dem pini mo, dhali monyca jin mii’d ki ra/ ra/ jin ta ji gi bampam pini mo.
13 Bampam pini a’di ta bampa/ jin midi di ki sule/ sule/ mo dhali mo jin tanu tap̱am pini ’dimki ’kup̱ ki sule/ sule/ mo eya risa nyaḵum yil gi ’kwaniny’cesh mo. Tap̱a a’di ita a’di ma isiŋ gana/ eya ris gwom piti mo, dhali ta ’the ka ’the eya ris miin tom piti mo.
14 Tap̱a a’di bu’thki uni gwansan kun ṯa’kkin mo, dhali ’deka ris uni imis mo uni gun ’kokin ki goŋgo/ mo.
