2 ba a’di thulki gwo me’da p̱o/ e Tap̱a mo dhali o gwo is ki A’di ma Dem Dem ma Yakuub mo, mmo/o gwo mo ki:
3 Aha/ mina mol cic̱ gu’b pem mo, walla ish eya p̱owa cim pem mo,
4 dhali aha/ mina diki c̱i is pem ki e mmo/ish mo, walla dhal moŋ’ko’d em pem bway mmo’ce’d e mo,
5 ntagi aha/ mina gam mo gom Tap̱a mo, mo jin mina A’di ma Dem Dem ma Yakuub ic̱a’b mo.
6 Hili mo mo ma, aman ciḵkina gwo mo ’pena Ap̱raatah, dhali aman gamkina a’di mo e bwam bunto ma Waar mo.
7 Dhalki ana iina mo e mom piti jin c̱a’ba a’di mo. Dhalki ana luŋa a’di e cwam piti jin dhuna a’di sho’k mo.
8 Cuyi mis mo ma, ayy Tap̱a, dhali yayi mo e mom pini jin mina /e ishi/ is mo, /e dhali Sanduuḵ gi mo ma dem dem pini mo.
9 Dhalki igasiis pini uni shumkunu ki mo ma ḵar/e mo, dhali dhalki unim pini kun dhunu ki she/ ki dhelel dhelel ḵum cuuwa/ gom bwaŋ ’kunyka/ mo.
10 Gom gway ma Dawuu’d jin ta c̱iŋkinam pini mo tani dhalku/ ki ṯu’k bwam/em pini ’peni a’dim pini jin ’koshkina /e ki monyca mo.
11 Tap̱a a’di thulki’da Dawuu’d gwo me’da p̱o/ ki isi oŋ gana/ mo, ’peni gwo jin mina a’di diki doḵ ka nyaŋ’ko’d mo, mmo/o gwo mo ki: Jan ṯal ’de/ ’peni iya/m pini gi buŋgwar is pini mo tani a’di miga/ kara p̱o/ ḵursi ma maliḵ pini mo.
12 Waḵki/ iya/m pini mini dhu gwom pem jin gamu me’d mo dhali gwonyc̱im pem kun miga/ ṯor uni mo tani iya/m buni si’da/ ki sule/ sule/ mo mini ’kowa p̱o/ ḵursi ma maliḵ pini mo.
13 Haali/ Tap̱a a’di kwanyki’da Sihyuun mo. Dhali a’di ona bwa ki a’di ki o jin shiyi’d mo gom mom piti mo be.
