13 Haali/ Tap̱a a’di kwanyki’da Sihyuun mo. Dhali a’di ona bwa ki a’di ki o jin shiyi’d mo gom mom piti mo be.
14 Mo yansan a’di ta mom pem jin miga/ si/ is ki sule/ sule/ mo. Mmahan imiga/ c̱a’b mo haali/ aha/ ona bwa ki a’di mo be.
15 Dhali aha/ mina ’bor mo ma yim mii ka enthus gom to kun minu c̱i a’di mo. Aha/ mina kap̱ ’kwani ma ha’th’ko’d ma yima du ki tonṯe/ mo.
16 Igasiis ma yim mo tani aha/ mina hi’th uni ki bway mowoṯẖ mo dhali uni ma yim kun dhunu ki she/ ki dhelel dhelel mo tani mini ḵum cuuwa/ ki moŋ’kuny bwa mo.
17 Imun mo tani aha/ mina dhal ce ma Dawuu’d mmo’ka ale/ gom a’di mo. Aha/ thosonkina lamba/ gom a’dim pem jin ’koshka/ ki monyca mo.
18 Kwaniŋ ’kup̱ piti mo tani aha/ mina shum uni ki mo ma ’the is mo hili ap̱o/ is piti mo tani toŋ’kup̱ piti a’di midi dhel mo ki ra/ ra/ mo.
