14 Pita gare wan, “Ayop ame umap uon! Ne antaba koeragewa ian ugupe nagire mugawa iup gega topaitapena tawa menan ne ya nainawa.”
15 God sia wan, “God taba dim dim da kakae diamoni ge koerage ya dia.”
16 Mame koni yampo venaseni amba wanup ame ene wabore ewagai kimani sia aen.
17 Pita bet ine yaveni ame tavewa dim da menan anu waramase wande anuan sese taiwandini newap Konilias watu enamoni apan yampo Saimon pa mega yoa tan, wa ewamon, tauane pa tonana yonan.
18 Mu yonane singui wan, “Daio apane yaua Saimon Pita mapa iniwan go?”
19 Pita wande bet ineni ame tavewa dim da menan anuan sese taiwandini gapan Guewa Woup Seniwa anega wadien, “Saimon, apan yampo yoga taiwanum.
20 Ao yon vit ak. Mu tanam agepen menan gego ya anu iwa ne watu enamon.”
