13 kappi ɗum, mbii: —Oo gorko yo ƴoɲɲoowo yimɓe yalla ana ndewra Laamɗo ko waldaa e sariya oo.
14 Pool anniyii faa haala, forri Galliyon wii Yahuudiyankooɓe ɓee: —Yahuudiyankooɓe, so tawii tooɲannge naa golle bonɗo, mi jaɓanan on ko ngullani-ɗon mo koo,
15 kaa nde wonnoo ɗum jeddi dow haalaaji diina mooɗon e inɗe, kaɲum e sariya mooɗon onon tan, ɗum onon e ko'e mooɗon carata. Miin, mi sarataa ɗee kuɗɗe!
16 O yaltini ɓe sarirde ndee.
17 Nden, ɓe fuu ɓe nanngi Sosteni, hooreejo waajordu nduu oo, ɓe pii ɗum ɗo yeeso sarirde ɗoo. Kaa fuu Galliyon ɓilaaki hen fey.
18 Pool faɓɓi ɗon balɗe kuurɗe. Caggal ɗum, o waynondiri e sakiraaɓe ɓee, o naati laana, o feewi Siriya, kanko e Piriskilla e Akilas. Fade makko naatude, tawi o laɓii hoore makko nokku biyeteeɗo Kankiriya sabi o fodiino fodoore.
19 Ɓe njottii Efeesu, Pool yoppi ɗon Piriskilla e Akilas, kaɲum naati waajordu ana liddondira e Yahuudiyankooɓe ɓee.
20 Ɓe ndaardi mo o faɓɓana ɓe, kaa o jaɓaali.
21 Nde o waynondirta e maɓɓe ndee, o wii: —Mi wartan e mooɗon so Laamɗo jaɓii. O naati laana, o iwi Efeesu,