3 Tama te po odama, augwaligo nai ma osogo tagalama, God dali po olama, augwa nogo tega si toboluba mubadi, augwali sigo te yabo tedali sęde sa muani. Tama tilama, tega si te sęba tagala palali.
4 Te Godigo Dwagi Yai Mobo Bidigo te Barnabas dali, Sol dali si tagala palama, augwali si te Selusia buluba pali. Tama Selusiade moni gebadu pelama, tama te tamu ąį bolama te Saiprus tǫ sabolali, te ąįgo u badu te e badu si bologobea sai tomo yagu tǫba sabolali.
5 Tama tede te be nani Salamis sabolama, augwali sigo te Juda dabego bomo yai po ola mabo be dabede Godigo po pusa mawai. Te bidi Jon, agai nogi me Mak, agai me tega si tau selama, te sę yali.
