Godigo Nogi Ugwaba Sabo Tęąbi Po Wabo Buku Dabe 8:5-8 in Dadibi

⁵ Nago da nigilama, tama nago da te nagaduba deli naga dologode bidimainu muani. Nago da ugwaba siyu, tama daba genuai nogi mabo dao.

⁶ Nago da sa muyu, te nago nigali nai tigidali tonalumainu yai. Nago te tigidali nai dago dologoba munama, elalubo dao.

⁷ Awe, tigidali sipsip me, bulmakau me, te buside elalubo tigidali hasa dabe me,

⁸ tama te ugwadu bola bilibo tigidali ba me, tama te tamu ąįde tigidali sųgų me, tama te tamu ąįde bilibo tigidali nai me. Tigidali te da bidigo dologode bidibo dao.