27 Tialima, te eno polalubo gomunai wai aga munama, tama aga te polalubo king pedelama, te tigidali tǫde king aiyaba elalueibao.
28 Te eno sesemane sogo aga wei mu iduaibao. Tama eno te po dąų wabo kontrak aga dali elama, tama te dąų walali po kontrak te sesemane elalua peyu, elalua paibao po wai dao.
29 Sesemane sogo te aga hani bidi me deli te king pedalu, ela piduaibao wali. Tama aga hani king me deligo te Israel dabe sesemane tonaluaibao, te dagalu ugwadu sesemane elalubo tiwai gilama yaibao.”
30 “Tiali goli, te agai wąį nǫų hani dabego te eno bomai po sela sąnama, tama augwaligo eno kolesaga wali me pisąma,
31 tama augwaligo eno po tudiba munama, tama augwaligo eno bomai po wali me pisąbaso da,
