23 Te ena digi eno agai boi bidi dabe agala selama, tama te aga wei isiąbo bidi dabe ela muyu yaibao.
24 Te eno aga wei mu elama, tama ena aga dali sesemane sogo bididuaibao. Te aga boi bidi dabe dali hwįbo sogo, te eno agai tigidali sogo augwali aiyaba elalumainu ilaibao.
25 Te eno elama, tama agai tonalubo tǫ te genuai tamu ąį Mediterenian tedu gagalasa peyu, te wę Yufretis elalubo madiba usu nigi paibao.
26 Tama agai enabolo te tama po waibao, ‘Nage Aya me eno God dao. Nago ena tonalu, tama ena sesemane tau sabo dao.’
27 Tialima, te eno polalubo gomunai wai aga munama, tama aga te polalubo king pedelama, te tigidali tǫde king aiyaba elalueibao.
28 Te eno sesemane sogo aga wei mu iduaibao. Tama eno te po dąų wabo kontrak aga dali elama, tama te dąų walali po kontrak te sesemane elalua peyu, elalua paibao po wai dao.
29 Sesemane sogo te aga hani bidi me deli te king pedalu, ela piduaibao wali. Tama aga hani king me deligo te Israel dabe sesemane tonaluaibao, te dagalu ugwadu sesemane elalubo tiwai gilama yaibao.”
30 “Tiali goli, te agai wąį nǫų hani dabego te eno bomai po sela sąnama, tama augwaligo eno kolesaga wali me pisąma,
