4 Augwa te po wai, “Ae, tegobao. Dago te Israel dabe mu silinao, teda te we bidi dabego te augwaliba homu kone munu me ma egobeo,” wali.
5 Augwa te deli homu elama, te sę yalio. Tama augwa te nage elaluainu, te hai namu dali ola sai dao.
6 Augwali te hani dabego te tiwai yainu yali, te augwali Idom dabe me, Ismael dabe me, tama te Moap dabe me, te Hakri dabe me dao.
7 Tama te Gebal dabe me, te Amon dabe, tama te Amalek dabe me dao. Te hani bage dabe, augwali te augwali te Filistia badu, me Tair badu bidali.
8 Siria me te augwali dali sisinani. Te bomai hani augwali te Lotgo hani tau salio.
9 Nago te tobage tiwai kolesaga te augwaliba yao, te polobadu nago te Midian dabeba yali tiwai, me te Sisera, me Jabin dabe, te genuai wę Kisonde yali tiwai yao.
