2 Tigidali sogo giligade te boi bidi dabego ena dali hwįai. Te bidi hauwago enaba boi bidi ebo dao.
3 Te Tigidali Bomo Elalubo God Mu, te ena magi nai me delide wi ebo sogo, eno konealubo homu nageba dąų mu wabo dao.
4 Eno konealubo homu Godiba kęą pelama, tama eno agai mu poba homu konealubao. Tama tiyu, eno agai nogi ugwaba sobao. Eno konealubo homu Godiba munama, tama ena te magi nai mede wi me egobeo. Te bidi dabego mena sę enaba yaibawe? Menio.
5 Tigidali sę eno yainogo ebadi goli, te boi bidi dabego dolobo sę yai. Te sesemane sogo augwaligo homugo te ena dolabo sunumi gegebo sę yai.
6 Augwa deliba sisinagaselama, geme dualalubo dao. Te augwaligo ena bilibo bugagia tonalu, tama ena augwaligo ela muabo homu eyu, te tama tibo dao.
7 God, nago te augwa ebo kolesagade dwai dene mao. Nago augwalide haliga sębę eyu, tama augwali mu dolama, aiyaba mu elaluao.
