5 Te pąde ena isainu yali, te bonogo ena bomonama kęnani tiwai yali. Te gų pagego ena dalainu tonaluai.
6 Ena haliga sęgę dwai ebaso, tama eno Godiba i wai. Eno gedu haluasa po te ena Godiba weyu, te agai ena tau somainu yai. Aga te aga wiegi yai be mude bidiyu, tama eno po odali. Te eno gedu haluasa po wabo te agai oloba pedelali.
7 Tialima, megi da, Genuai Bidigo wado po elalubao. Tama agai te tǫ mali mu ilali. Tama te bulu du page dabe te mumunu ela silali.
8 Te hano aga gunide pedelali. Tama aga pedauwalide dabo siago te doado bage hauwa ulali.
9 Agai te pǫ dabe sela sąnama, tama aga aiyaba dulali. Tama husugu yai pǫ te aga sągą dologode elaluali.
