Text copied!
BREAK EVERY YOKE
Bibles in Dadibi

Godigo Nogi Ugwaba Sabo Tęąbi Po Wabo Buku Dabe 135:10-15 in Dadibi

Help us?

Godigo Nogi Ugwaba Sabo Tęąbi Po Wabo Buku Dabe 135:10-15 in Godigo dwagi yai po buku

10 Genuai Bidigo te bulu tǫ pedai hauwa dolama, tama te bomai king meba ela muai dao.
11 Agai te Sihon elali, te Amor dabego king, tama Ok, te Basan bulu king da, tama te Kenan tǫ king tigidali ela silai dao.
12 Tama agai te king dabego tǫ te aga hani bageba mani, te Israel dabebolo mawai dao.
13 Genuai Bidi, sesemane sogo te we bidi dabego te nage koneama, te naga digi nage te God da homu yaibao. Tama te nosali pedalubo hani dabe, augwaligo me te nage homu konealuaibao.
14 Tama Genuai Bidigo te seselalubo kolesaga te aga we bidi dabeba eyu, tama aga te sę bidi dabeba homu dene yaibao.
15 Te gasa hani dabe augwaligo te augwa tibo god dabe te silva me golgo nigali. Te bidi dabe augwa nogogo digi te tibo god dabe nigai.
Godigo Nogi Ugwaba Sabo Tęąbi Po Wabo Buku Dabe 135 in Godigo dwagi yai po buku

BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!