70 Te bidi dabe augwaligo wiegi yai homu kolesaga me elalubeo. Tiali goli, eno te nago bomo yai po godolo homu mu ebo dao.
71 Te wiegi yai mu da, te nago dene mabo sę enabolo yali. Te tiali sęgo nago bomo yai po wali pomainogo ena bugagia ola mawai dao.
72 Eno te mone godolo homu me egobeo, te eno nago bomo yai po godolo ebo tiwai gilama me egobeo.
73 Nago digi nago ena nigali, tama nago ena bugagia tonalubao. Nago wiegi yai homu kolesaga enaba mao, te eno nago bomo yai po tigidali bugagia konea sabo sę emainogo yao.
