1 Ba:bilone hano bega: ninia da fi dialu. Amogawi, ninia da Saione Moilai Bai Bagade dawa:beba:le, fofagini dinanu.
2 Ninia da ‘yodima’ ifa damana, ninia sani baidama gosagisi.
3 Dunu amo da nini gagulaligi, ilia da ninima amane sia:i, “Ninia hahawane nabima:ne, Saione ea hou olelema:ne, gesami hea:ma.”
4 Be ninia da habodane ga fi soge ganodini, Hina Godema nodone gesami hea:ma:bela:?
5 Yelusaleme! Na da di gogolesea, na da sani baidama bu hamedafa dumu da defea.
6 Na da di gogolesea, amola di da na baligili hahawane hou bai diala amo hame dawa:sea, na da bu gesami hea:mu logo hamedafa ba:mu da defea.
7 Hina Gode! Idome dunu ilia da Yelusaleme doagala:le, hasalasi dagoi, Dia amo hou bu dawa:ma. Ilia amane sia:i, “Yelusaleme dafawanedafa muguluma.” Dia amo hou bu dawa:ma.
