1 Ɠɔoɠɔ GALAGI ɠɛni Moize ta zalaɠa ɠula nui Eleazaal ma, nii é ga Aalɔn ná-doun zunui:
2 «À Izelayɛle ʋɛbɛi kpein gaalu, é zo kona ʋuufelegɔ (20) ma, é lɛ zeemaazu, eɠɛʋelei ta-ʋɛlɛyeɠeiti ti la, Izelayɛle nuiti kpein su, niiti ta zoo ti li kɔɔmaʋɛ.»
3 Moize ta zalaɠa ɠula nui Eleazaal, ti ɓɔɛni ti ʋɔ Moaɓe nɛmɛi zu, Zuludɛn ɠobaʋɛ, Zeeliko letemaʋɛ, ti ɠɛ ma:
4 «Ada ʋaazu gaalugi wosu, é zo kona ʋuufelegɔ (20) ma, é lɛ zeemaazu, eɠɛʋelei Ɠɔoɠɔ GALAGI ma levei veeni la Moize ya.» Izelayɛle nuɓusɛiti pɛtɛ, niiti ti ɠulani Ezipete yooi ʋa:
5 Izelayɛle nii daa ga Zakɔɓe, ná-doun zunu mɔungi é sɔlɔɔni, daaseigi ɠɛni ga Luɓɛn. Luɓɛn ná-doun zunuiti ti-mavofodaiti, ti ɠɛni ga: Ɠeenɔke mavofodaiti, Palu mavofodaiti,
6 Ɠɛselon mavofodaiti, ta Kaalemi mavofodaiti.
7 Luɓɛn mavofodaiti tiegɔi ɠɛni ga zunu waaʋuunaani maazu saʋagɔ undɔfela puusaʋagɔ (43 730).
8 Palu ná-doun zunui ɠɛni ga Eliaɓe.
9 Naa ɠa é ɠɛni ga Nemuwɛle kɛɛɠɛ, ta Datan, ta Aɓilame. Datan naa, ta Aɓilame ti ɠɛni ga kundiɠiiti bɛbɛi untuɠɔ, ti wuzeɠeni Moize ta Aalɔn laalɔɠɔma, ta Kɔlee ná-nu ɓulugiti, siɛgi zu ti wuzeɠeni la Ɠɔoɠɔ GALAGI laalɔɠɔma.
10 Zooi laaʋalini, é ti maalɔɔɠu, ta Kɔlee, siɛgi zu ná-nu ɓulugiti ti zaani la, ta siɛgi zu abui zunu unfelegɔ puulɔɔlugɔ (250) ɠalani la. Ti ɠɛni nuɓusɛiti bɛ ga kizɛsu vai.
11 Kɛlɛ Kɔlee ná-doun zunuiti ti la ɠɛni zaani.
12 Simiyɔn ná-doun zunuiti, eɠɛʋelei ti-mavofodaiti ti la, ti ɠɛni ga: Nemuwɛle mavofodaiti, Yamin mavofodaiti, Yakin mavofodaiti,
13 Zeela mavofodaiti, ta Sayile mavofodaiti.
14 Simiyɔn mavofodaiti tiegɔi ɠɛni ga zunu waaʋuufele maazu fele unfelegɔ (22 200).
15 Gade ná-doun zunuiti, eɠɛʋelei ti-mavofodaiti ti la, ti ɠɛni ga: Sefon mavofodaiti, Ɠagi mavofodaiti, Suni mavofodaiti,
16 Wɔzeni mavofodaiti, Eli mavofodaiti,
17 Alɔde mavofodaiti, ta Aleeli mavofodaiti.
18 Gade mavofodaiti tiegɔi ɠɛni ga zunu waaʋuunaanigɔ undɔɔlugɔ (40 500).
19 Zuda ná-doun zunuiti ti ɠɛni ga Ɛɛl ta Wɔnan. Ɛɛl ta Wɔnan ti zaani Kanaan yooi zu.
