GÁLATAS 6:7-9 in Tzotzil

⁷ Mu me xalajic ti lo'lael. Mu stac' chlabanat ti Diose. Persa chc'ot ti pasel ti sc'ope. Ti c'usi laj jts'untique ja' no'ox chc'ot jc'ajtic.

⁸ Mi ja' ti jpasilantic ti c'usi tsc'an ti jbec'taltique, ja' no'ox yac'oj sba chijbolib batel, asta ch'ayel chijbat xchi'uc ti jbec'taltique. Mi ja' ti jpasilantic ti c'usi tsc'an ti Ch'ul Espíritue, hech yac'oj sba chijlecub batel asta chc'o jtatic ti chijcuxiucutic sbatel osil ti sventa.

⁹ Hech yu'un mu me spec'tsaj ti co'ntontique yu'un ti jpastic ti c'usi leque. Yu'un mi mu xchibaj co'ntontic ta me sta yorail chc'ot jtatic ti c'usi leque.

⁷ Mu me xaloꞌloatic. Yuꞌun me jaꞌ chcꞌot ta pasel li cꞌusi yaloj li Diose. Li cꞌusi ta jpastique jaꞌ jech chcꞌot jtatic li bu orae.

⁸ Mi jaꞌ noꞌox ta jpastic li cꞌusi ta jcꞌan jtuctique, jaꞌ noꞌox jech chopol li cꞌusi chcꞌot jtatique, ta chꞌayel chijbat o sbatel osil. Yan mi jaꞌ ta jpastic li cꞌusi ta scꞌan li Chꞌul Espíritue, jaꞌ lec li cꞌusi chcꞌot jtatique, jaꞌ chijcuxiutic o sbatel osil.

⁹ Jaꞌ yuꞌun scꞌan ti mu jchibajes coꞌontic ta spasel li cꞌustic leque. Yuꞌun mi mu xchibaj coꞌontic ta spasele, ta me xcꞌot scꞌacꞌalil ta jtatic li cꞌusi leque.

⁷ Mu xaloꞌla abaic. Yuꞌun mu stacꞌ xichꞌ labanel ti Diose. Ti cꞌusi ta stsꞌun ti vinique, jaꞌ jech ta stsob sutel.

⁸ Ti mi oy buchꞌu ta spas ti cꞌusi lec ta xaꞌi ti yoꞌntone, ti jech ta spas taje, jaꞌ ta sta ti ta xchame. Yan ti buchꞌu ta spas ti cꞌusi ta scꞌan ti Chꞌul Espíritue, jaꞌ jech xtoc umbi, ta sta batel scuxlejal ti ta xꞌacꞌbat yuꞌun ti Chꞌul Espíritue.

⁹ Jech o xal un, mu me xijlubtsajotic ta spasel ti leque. Yuꞌun mi mu xchibaj ti coꞌntontique, ta sta scꞌacꞌalil ti ta jtsobbetic ti sate.

⁷ Mu me xalo'la aba atuquic li jujunoxuque. Yu'un li Diose mu xu' chlabanat, yu'un persa chc'ot ta pasel li c'usi yaloje. Li c'usi ta jpastique ja' jech chc'ot jtatic c'usi ora.

⁸ Me ja' no'ox ta jpasilantic c'usi tsc'an co'nton jtuctique, ja' no'ox chopol c'usi ta xc'ot jtatic, ja' ti ch'ayel chijbate. Yan me ja' ta jpasilantic c'usi tsc'an Ch'ul Espíritue, ja' lec c'usi chc'ot jtatic, ja' ti chijcuxiutic sbatel osile.

⁹ Jech tsc'an ti mu x'ech' co'ntontic ta spasel li c'usitic leque. Yu'un me mu xchibaj co'ntontic ta spasele, ta me sta yorail ta jtatic li c'usi leque.

⁷ Mu me xaloꞌlo aba atuquic, yuꞌun mu stacꞌ jloꞌlotic ti Rioxe. Ti cꞌusitic ta jpastique jaꞌ yech chcꞌot jtatic ti cꞌusi orae.

⁸ Mi jaꞌ ta jpastic li cꞌusitic lec chcaꞌitique, chopol cꞌusi chcꞌot jtatic, chiꞌochotic ta cꞌocꞌ ta sbatel osil. Yan mi jaꞌ ta jpastic li cꞌusitic lec chil ti Chꞌul Espíritue, lec ti cꞌusi chiyacꞌbotique, chicuxiotic yuꞌun ta sbatel osil.

⁹ Yechꞌo un mu me xtavan xcaꞌitic spasel li cꞌusitic leque. Mi mu xtavan xcaꞌitique, ta onox jtatic li cꞌusi leque.