FILIB 4:10-14 in Wolof

¹⁰ Sama xol sedd na guyy ci Boroom bi, ci ni ngeen yeesale seen ndimbal ci man. Xam naa ne amoon ngeen yéene ji, waaye man gi moo fi nekkul woon.

¹¹ Ba tey soxla taxul ma waxe nii, ndaxte jàng naa doylu ci mbir mu ma mana dab.

¹² Miin naa ñàkk, man naa naataange. Ci fépp ak ci lépp, Yàlla def na ba sama xol toj ci suur ak xiif, barele ak néewle.

¹³ Man naa lépp ci ndimbalu Aji Dooleel ji.

¹⁴ Waaye teewul taxawu, bi ngeen ma taxawu ci sama tiis, jëf ju rafet la.

¹⁰ Maa ngi bége Boroom bi lool ci nii ngeen mujj yeesale tey, seen yitte ci man, yitte ju ngeen amoon moos naka jekk, xanaa dangeena ñàkkoona jekku seen ndimbal.

¹¹ Ag ñàkk nag taxul may waxe nii, nde tàmm naa di doylu ci diggante bu ma mana tollu.

¹² Miin naa néewle, man naa naataange. Fépp fu ma tollu, ak ci lépp, làqoo naa pexe mu ma manee jant yu ma regge, ak yu ma xiife, ci biir naataange akug ñàkk.

¹³ Lépp laa mane ci ndimbalal Ki may manal.

¹⁴ Teewul seen ndimbal lii di jëf ju rafet ju ngeen bokke ak man, sama njàqare.