3 Nge Saul a popuetä le atala mwichefel. A feila ngeni imw me imw o etekinawu ekewe chon lükü, mwän me fefin, o atolongeer lon imwen fötek.
4 Iwe, ekewe chon lükü mi toropasfeil ra fetalfeil ekis meinisin o afalafala ewe kapasen Kot.
5 Nge Filip a feila lon eu telinimw lon Samaria o afalafala usun Kraist ngeni ekewe aramas ikenan.
6 Lupwen ekewe aramas ra rongorong ngeni än Filip afalafal o küna ekewe manaman a föri, ir meinisin ra fokun aüseling ngeni mine a apasa.
7 Ekewe ngününgau ra towu seni chomong aramas fän ar pupuchör mi leüömong, pwal chomong aramas mi mwök me aramas mi pechemä ra pöchökületä.
8 Iei mine a fis eu watten pwapwa lon ewe telinimw.
