17 Nɛ, Isirelibɑn yɑm bururɑm, kon ɡɔsiɑ dɔ̃ɔ. Kpɑ nɛn dɛɛrɑru tu ko dɔ̃ɔ yɑrɑ yu ben sɑ̃ki kɑ ɑwĩi kpuro mwɑ sɔ̃ɔ teeru.
18 Yɑ koo ben dɑ̃ɑ sɔ̃ɔ kɑ ben tem bɛɛrɛ kpuro mwɑ mɑm mɑm. Kpɑ mu n sɑ̃ɑ nɡe bɑrɔ wi u ɡɔɔ dɔɔ.
19 Dɑ̃ɑ ni nu koo tiɑ mi, nu ǹ ko n dɑbi. Bɑɑ bii u koo kpĩ u nin ɡeeru yore.
20 Tɔ̃ɔ te sɔɔ, Isireli be bɑ tie bɑ yɑrɑ tɑbun di, bɑ ǹ mɑɑ somiru kɑsumɔ bwese ni nu bu kpeerɑsiɑmɔn mi. Adɑmɑ bɑ koo ben nɑɑnɛ dokewɑ nɛ, Gusunɔ, ben Yinni Dɛɛron mi.
21 Kpɑ bu wurɑmɑ nɛ, Gusunɔ Dɑm kpuroɡiin mi.
22 Bɑɑ bɑ̀ n dɑɑ dɑbi nɡe nim wɔ̃kun yɑni sɛɛri, ben sukum tɔnɑwɑ mu koo wurɑmɑ. Domi nɛ, Yinni Gusunɔ, wɔllu kɑ tem Yinni, nɑ yen himbɑ yi kɔ n kɑ bu kpeerɑsiɑ. Nɛn ɡem mu koo sɔ̃ɔsirɑ n bɑndɑ. Tem mɛ kpurowɑ kon kpeerɑsiɑ nɡe mɛ nɑ yi.
