15 Is bahi he peretebek te esawa zin ne iring te edtiǥisan he atep emun rendeng.
16 Ne emun edewayen ta sikandin ne egkeiring ki zà te edawey te keramag wey te egkemkem te lana.
17 Is putew ebpekepeǥarang te putew zaan, ne is etew zaan, iyan ibmetau te zuma zin.
18 Is ed-elima te kayu he higus ebpekekaan te veǥas dutun te ed-elimahan din. Ne is suluǥuen he ebpurung ebpenilbi te egalen din ne egkezeliǥan.
