20 Kenè ka mebpekiduma te menge lelenguten wey vuleǥuk,
21 su heeyan he kelasi te menge etew ne melemu he egkepubri. Edtulung dan dà ebpenlipezeng, umbe iyan egketemanan dan is ebpekekukumbalè dan dà te tuǥak.
22 Pemineǥa nu is ginikanan nu he iyan mid-uyag kenikew ne kenè nu iyan dà ivaras kandan is bà nu zà edsudia emun ebmeǥurang dan en.
23 Peniguduwi nu he maangken nu is ketutuanan, ketau, kegkemansu, wey kedsavut. Ne kenè nu heini iliwà te minsan hengkey he menge azen.
