15 Eman mi wichi saman ika inan epwe ninnila.
16 Eman mi soläni eman aramas, inamwo ika a amömöla ika a chüen nom ren, nge lupwen a pwäla, epwe chök ninnila.
17 Eman mi otteki saman ika inan epwe ninnila.
18 Iwe, are mwän ra aninifengen, nge eman a wüsi ngeni eman eföü fau ika öfölü ngeni pöün, nge ätewe mi feiengau esap mäla, pwe a chök akonoson,
19 mürin, ika a pwätäsefäl o wokuukuni, ätewe mi wüsi esap chüen tipis. Nge epwe mönätiu liwinin fansoun an esap tongeni angang, pwal liwinin mine epwe pöchökülöch ren.
20 Iwe, are eman mwän a wichi nöün amanau mwän ika amanau fefin ren efoch wok pwe ewe amanau a mäla ren, ätewe epwe angei chappen an föför.
