1 Toteco quitlalijtoc se cuali hora para sesen tlamantli. Nochi tlamantli tlen monequi tijchihuase quipiya tonali quema mochihua.
2 Onca se tonal para titlacatis huan onca se tonal para timiquis. Onca tonali para titlatojtocas huan onca tonali para tijhuihuitlas tlen tijtoctoc.
3 Onca tonali para titlamictis huan onca tonali para titepajtis. Onca tonali para titlaxolehuas huan onca tonali para tijcualchijchihuas.
4 Onca tonali para tichocas huan onca tonali para tihuetzcas. Onca tonali para timocuesos huan onca tonali para timijtotis.
5 Onca tonali para tiquinsemanas tetini huan onca tonali para tiquinsentilis. Onca tonali para tijcuanajnahuas se tlacatl huan onca tonali para ax tijchihuas.
6 Onca tonali para tijtemos huan tijpantis tlamantli huan onca tonali para tijpolos. Onca tonali para titlaajcocuis huan onca tonali para tijtepehuas tlen ticajcoctoc.
