9 A gi hi to e Yesus tre gia reng tok, a nharyor to endo ther gia ya ngatngae, to khop ksir ktolpum ka tomngen to hera ngae. Va a kolkha to endo a Sabat.
10 He ekam tok, o Yuda ngalmialaol ngata kekner a mhel to endo ko e Yesus tgi gun eharom mnam ka yor kam reng te, “A kolkha ta, a Sabat he. Nguaro pos ngat lua ngatkal ngang in kam tolpum ila tomngen e.”
11 Va a mhel to tkoripang ngar te, “A mhel to teharom dok kam kta ya kat en arhe treng dok kam tolpum kua tomngen he kngae.”
12 Ngata ngnek tok, to kle ka mnganang te, “Ani mhel to ya rere mang ko treng in kam tolpum he kngorom?”
13 Vanangko a mhel ta, tngae lo kta mnor mang ani mhel to e Yesus hak, ekam ko e Yesus ther vur aol kun pgegom a mumu to ta gun ko tok, he vur ngae parem ko.
