35 Na Dyan gambet kenen i salò too mneng du kenen sa faglabat i kaglut di dad to, na nun ayèyu flinge i manan, bay là mlo.
36 “Kabay nun fa fgadè gablà di deg mdatah fa di ktulen Dyan, dunan i dad nimò tafimò Mà deg. Hae, i kdee dad mgimògu én i tmulen na i Mà i mdek deg.
37 Na Mà, i mdek deg dini, kenen i satu tmulen gablà di deg, bay làyu lmen linge i taluan, na làyu lmen teen i bawehan,
38 na là mnè tnaluan di nawayu, du là gamu faglut di to dekan.
39 Tooyu gal ganbet i Tnalù Dwata du man nawayu mdà déén nun nawayu landè sen. Na blaam i Tnalù Dwata i tmulen gablà di deg.
40 Kabay knean là gamu mayè faglut di deg du fye moon gfunyu nawa landè sen.
41 “Ise én fanngabalgu kdayen i dad to,
42 bay gadègu kagkah i nawayu, landè kakdoyu Dwata.
