Dyan 5:32-36

³²Bay nun fa satu tmulen gablà di do, na gadègu na i kdee manan gablà di do slame glut.

³³Gamu sa i mdek dad to di ku Dyan du fsalekyu kenen, na ta tulenan i kaglutan.

³⁴Bay ise ku yé gusmaliggu i man dad to gablà di do, bay logu man ani du fye galwà gamu.

³⁵Na Dyan, gambet kenen salò mneng na tmuyal di gamu, na flehew gamu là mlo di nengan.

³⁶“Bay nun tmulen gablà di do too mdatah fa di ktulen Dyan. I dad nimò ta fimò Mà do, yé tmulen gablà di do na ilè na dek Mà agu.