27 Aden Esusën chiambien iccuededquid chido: —Mibi tishacsho shuma chishmiondaid Nuquin Papan bëdamboen isaid icpec —quepanëdash Esus caic.
28 Adoaquien: —Aden nasho padenquio. Nuquin Papan chiaid tantiashun nabansho Nuquin Papan bëdamboen isaidquio nec —quepanëdash Esus chido caic.
29 Adnubien abi yacno cho-choash utsi dadpen iccuededsho isun Esusën nadopanëdash: —Nëbi nidaidën tabadquido icsanuequido yec Nuquin Papan abucshun nadatiambocquin naid iste mibi bunacpaden mimbi isenquio iquendac. Nuquin Papan Onas ismiampicpaden ismiaid mimbi isendac.
