Diye Di Odoo 27:32-36

³²Eseme ha teli odoo oso du toowa tokenee poga pidili du pepooko ee ti koo poogoome, pooso todiso.

³³Osoloso olo mi beeamalai koola tooboome, Poloye diba nei nalame howolone odoo susuga mapoo egeesee takaso, “Niba beeame 14 ma kulodu ebia sabolo sibulone nei medee nele.

³⁴Esiga niba wedilega pagalame, epedee hamapoo nei medee ne. Osoloso niba goolee, nima kulodu odoo hee dala talaime,” diso.

³⁵Osoloso Poloye to hagee takoloso, wo toloso goomoga to Godee mapoo takoloso, odoo susuga eyo howo woola mapoo wo po doloso neso.

³⁶Eseme Poloye nei namelee ogoloso, odoo susuga oso yibolo nei nalame goomogaso.