13 Ka yai ipupu‑nana iakwa, e Iamesa ivona, “Vavaneiu, unononiu!
14 Simeoni avaha voneka medeina tuta naona wayahina Yaubada tauna yanꞌ ate‑nuanuai taui eha me Iudea wayahi viwaveneka. Ka kadu Yaubada taui eha me Iudea tupwai epai, e taui vivane yana yoko.
15 Ka tau apa‑taputapu yai iginuma kadu ivona aitamoata deina, ivona,
16 ‘Kauvea ivona, “Dewana na‑iakwa, amavina. Ataina Davida ya pai veimea nau‑gegewana, ine deina. Kate avi tuta amavina, pai veimeana avo‑vi‑vovoui, kadu avi‑au‑mini toyoina.
