Deftere Kuuɗe Sahaabaaɓe Ɓen 13:38-42

³⁸«Ko onon non, yo musiɓɓe amen, andee dey ko sabu makko kanko Iisaa feɲɲiniranaɗon yaafuyee junuubaaji ɗin.

³⁹Kala on hooliiɗo mo jogorte feewuɗo e hoore kala ko on waawetanooke jogoreede feewuɗo e nder Sariya Muusaa on.

⁴⁰Ko ɗun waɗi si men wi'ay on, reenee fii wota ko wi'aa kon ka defte annabaaɓe ɓen hawru e mon, ɗun-le ko ɗunɗoo:

⁴¹‹Ndaaree onon ɓee yawitiiɓe, wonee ŋalɗuɓe, mulon! Ko fii e fewndo mon, mi waɗay kuugal ngal on sikkataano hay si on sifanaama!› »

⁴²Ɓay Puulusa e Barnabaasi fokkitii yaltude ka juulirde ɗon, ɓe saatinaa e aseweere aroore nden, ɗun ko ɲalaande fowteteende nden, fii yewtugol fii ɗun.