Dad Nimò 4:25-29

²⁵Di muna, mdà di Mtiu Tulus, talù ge fagu di saligam Dabid, i gutambulmi, manam, ‘Kan ku fdatah i dad to mdà di dad sahal banwe? Mngabal ale kfagu misan Dwata, bay landè gaganla.

²⁶Sasatu nawa i dad harìla i dad ulu, stifun ale du stulen i kibòla misan Dwata i Amu na misan i To Mgalékan.’ Én sa man Dabid.

²⁷“Na glut Amumi Dwata, gdohò i man Dabid ani, du dini di syudad ani gustifun ale Harì Hérod, Gubirnador Fontus Filat, magin di dademe dad to ise Dyu, na i dad Dyu di Israél, du sasatu nawala misan ku Dyisas, i Saligam Landè Salà, i To Mgalékam.

²⁸Na fagu di nimòla ani, tabalingla gimò i kdee tagneam fandam fagu di kaltulusam na di knayeam.

²⁹Na ani, Amumi Dwata, talingem i sasè manla i kduenla gami. Na fandamam gami i dad fasakam, na banlém gami i klabè samtulen i tnaluam.