12 Na i kdee dad to mastifun déén tatì ale fanak, na fanlingela i man Barnabas na Fol gablà di kdee dad ilè na dad tnikeng i mgimò Dwata fagu di dale di bleng i dad to ise Dyu.
13 Na di kafngela samtulen dun, Dyém tufì talù, na manan, “Dad flanekgu, fanlingeyu agu.
14 Tagtulen Simon Fiter gablà di kfite Dwata i kakdon i dad to ise Dyu du nun nalékan du fbalingan dad ton.
15 Na too salngad i tagsulat i dad tugad Dwata di Tnaluan, du ani manan,
16 ‘Di satu duh samfulê agu, na balù salngad i dad bel Dabid di satu gumnè tafugen, lêmangu ale ftadag, na tangalgu ale.
17 Nimògu ani, du fye i kdee dademe dad to ise Dyu i tanalékgu du nfungu mayè ale mngabal deg.
18 Én man Dwata ani, i tafgadean mdà di katbuan.’ ”
