7 Ku nngakam i to madoy, balingan ge fyà, na ku nngakam i to sasè, balingan ge fansasè.
8 Nang ge mngak i to madoy, du knangan ge, bay ku nngakam i to fulung, toon ge nafè.
9 I fngewem di to fulung, gatnù i kfulungan, na i tdoam di to matlu, gatnù i gnadean.
10 Du fye mbaling ge to nun kfulung, fye ku funa nun klikoam di Dwata. Du ku gmadè ge Dwata i Landè Salà, gfunam i kaglabat.
11 Ku fulung ge faldam, én sa gamlawil ge.
12 Du ku fulung ge faldam, ge gukel i kafye, bay ku knagolam i kfulung, ge gukel i kaflayam.
13 Guflingengu i to là fulung faldam di satu libun too mugak, na landè gnadean, na landè kyaan.
14 Déén gusudengan di bà takab i gumnean ku demen sudeng kenen di gugfan i banwe di gumite i dee dad tokenen,
15 na tamlo du nlakan i dad to magu mlius i dad to fadlug di kagula,
16 na manan di dad to landè kaglabat, manan, “Gamu dad kulang kfulung, fusuk gamu,
