Dad Fngewe 9:7-13 in Sarangani Blaan

⁷ Ku nngakam i to madoy, balingan ge fyà, na ku nngakam i to sasè, balingan ge fansasè.

⁸ Nang ge mngak i to madoy, du knangan ge, bay ku nngakam i to fulung, toon ge nafè.

⁹ I fngewem di to fulung, gatnù i kfulungan, na i tdoam di to matlu, gatnù i gnadean.

¹⁰ Du fye mbaling ge to nun kfulung, fye ku funa nun klikoam di Dwata. Du ku gmadè ge Dwata i Landè Salà, gfunam i kaglabat.

¹¹ Ku fulung ge faldam, én sa gamlawil ge.

¹² Du ku fulung ge faldam, ge gukel i kafye, bay ku knagolam i kfulung, ge gukel i kaflayam.

¹³ Guflingengu i to là fulung faldam di satu libun too mugak, na landè gnadean, na landè kyaan.