10 Du fye mbaling ge to nun kfulung, fye ku funa nun klikoam di Dwata. Du ku gmadè ge Dwata i Landè Salà, gfunam i kaglabat.
11 Ku fulung ge faldam, én sa gamlawil ge.
12 Du ku fulung ge faldam, ge gukel i kafye, bay ku knagolam i kfulung, ge gukel i kaflayam.
13 Guflingengu i to là fulung faldam di satu libun too mugak, na landè gnadean, na landè kyaan.
14 Déén gusudengan di bà takab i gumnean ku demen sudeng kenen di gugfan i banwe di gumite i dee dad tokenen,
15 na tamlo du nlakan i dad to magu mlius i dad to fadlug di kagula,
16 na manan di dad to landè kaglabat, manan, “Gamu dad kulang kfulung, fusuk gamu,
17 too mi fa i yéél tnaku, na fye fa nem i knaan ku kmaan ge di gugbunin.” Ani gman i libun là fulung faldam.
18 Kabay i kdee mgeben di gumnean, làla gadè i gukella ku gfusukale déén, du dad muna mgeben tamati ale, na tasbool ale di gumnè i dad mati.
