1 Flinge gamu, du i kfulung na i kaglabat flingengu di satu to tamlo, na falbongan i katlon.
2 Tamlo kfulung di bilil, na di gusite i dad dalan di gunun dee dad to,
3 na di gufusuk i banwe, falbongan taluan, manan,
4 “Toogu fni di gamu dad to, fanlingeyu agu. Tamlo agu di kdee dad to di klamang banwe, du fye flinge gamu deg.
5 Gamu kulang i kfulung faldam, flinge gamu du fye fulung gamufaldam, du fye là gamu gasyat, na gamu là fulung faldam, flinge gamu du fye gamlabat gamu.
6 Fanlingeyu i kafye mangu, du kdee mangu di gamu too tlu,
7 du i mangu slame glut, na knanggu i kakakéng.
8 I kdee mangu slame matlu, là agu tmulen kéng, na landè bigkò di mangu.
