15 Fawag ge di sasè dalanla, nang ge magu déén, niwasam na fadlug ge di ge dalan.
16 Silang gkudang dad to sasè ku gamgimò ale sasè, na silang ale gaftud ku nun fanlayamla.
17 I sasè nimò i dad to labè, én knaanla, na én ninumla.
18 I dalan i dad to matlu gambet i ksut i duh, du too matnù i knengan kel di too kalwan.
19 Kabay i dalan i dad to sasè mahal, du too kmifu, na tlaab ale, du làla teen i gutlaabla.
20 Ngàgu, toom fandam i gmangu di ge, na too ge flinge i dad tulengu ge.
21 Toom busek ani di fandamam, na toom busek di lam i nawam, du fye laam glifet dun.
22 I dad to too gamlabat i gmangu ani fye lawehla, na too ale mlawil.
23 Toom neye ku tan fandam i nawam, du ku tan i mnè di nawam, én nimoam.
24 Nang ge tmulen kéng, na ku nun manam toom man i glut.
25 Tatì ge fatlu magu di matlu dalan, du fye landè gumyaam.
