18 I to tmulen kéng gablà di demen to di gususay gamfati salngad i bunal, sundang, na i sait gamban du gamfati.
19 Én ksasè i to smalig di to là gsalig di bang nun ksamuk, salngad ksasè i kifan maglifò na i satu blì là gmagan du slamelandè gukmamu.
20 I to flehew mlingag di bang nun klidù nawa i demen to, salngad ku maglus i klaweh di bang katno demen ku nkah kahì i seey, du slame là fakay du mgutes i ksasean.
21 Ku bitil i to dmuen gamu fankaanyu kenen, ku malinum banléyu kenen ninum,
22 du ku ani nimoam, mbaling kenen too myà mdà di kafsasean gamu, na gdawatyu untung mdà di Dwata.
