26 I to tmimel i too glut timel, én ilè i to ani too fye deme sgalak.
27 Funam fatlagad i nligom, du fye gadeam nun gumweam, kafnge én fdakam gumneam.
28 Nang ge tmulen gablà di demem to di gususay ku landè duenan, na nang ge tmulen ise glut gablà di kenen.
29 Na nangam man, “E, malas agu i sasè nimoan dideg.”
30 Glius agu di satu nligo nfun i to malwe mimò na là fulung faldam.
31 Na di klamang nligon tatmabò dad bnas nun sual, na salnok i dad dademe sabat, na tamalbà i labatan batu.
