12 I kaflabè i harì gaflikò salngad i bong ngal i lmanaf liyun, bay i kakdon too fye salngad i ulen tatì sanfatan.
13 I tingà là fulung faldam, gafalmo i maan, na i libun too mugak i yaanan too sasè fanlinge, salngad uni yééllà tlag tamdak.
14 I to gamfun i gumnè na filak mdà di dad tuan, bay alò Dwata i gmagan mlé kenen i yaan fulung mebe i kton.
15 I to malwe mimò tatì fadlug kudang, na i gukelan bitil.
16 I to mimen dad flalò Dwata, mlawil kenen, bay i to mnang i flaloan, mati kenen.
